4500 €Vilë 4+1 me qira në teg-u, tirane

VILË LUKSOZE ME QIRA NË ZONËN E TEG, TIRANË Në një nga zonat më të qeta dhe piktoreske pranë TEG, ofrohet me qira një vilë luksoze katërkatëshe, e pozicionuar brenda një kompleksi rezidencial dhe vetëm 15 minuta me makinë nga qendra e Tiranës. Vila ka një sipërfaqe totale ndërtimi prej 440 m² dhe një oborr prej 500 m², të organizuar në një ambient të gjelbëruar me lule dekorative, pemë dhe një pishinë private funksionale, duke krijuar një atmosferë ideale për relaks dhe privatësi. Në katin përdhe, hyrja bëhet përmes një korridori që të orienton drejt një salloni të bollshëm ndenjeje, me dritare të mëdha që mundësojnë ndriçim të bollshëm natyral dhe ofrojnë pamje të këndshme nga kopshti. Në vazhdim ndodhet zona e ngrënies dhe kuzhina e veçuar, e kompletuar me pajisje elektro-shtëpiake moderne. Kati plotësohet nga një tualet shërbimi. Kati i parë organizohet në tre dhoma gjumi, secila me garderobë dhe hapësirën e saj të dedikuar të banjës, të pajisura me materiale cilësore dhe kabina dushi. Kati i fundit ofron një hapësirë të bollshme nën çati, të përshtatshme për dhomë gjumi, studio ose ambient privat relaksi. Kjo hapësirë ka gjithashtu një banjë dhe tre ballkone me pamje panoramike nga peizazhi përreth. Kati nëntokë përfshin një ambient depoje, dhomë lavanderie, dhomë teknike, një banjë me dush dhe garazh të mbyllur për një automjet. Vila ofron standarde të larta komoditeti dhe është e pajisur me sistem qendror ngrohje-ftohje, oxhak, dysheme druri, izolim termik dhe akustik, sistem kamerash sigurie (CCTV), si dhe mobilim në ambientin e ndenjes dhe ne njeren dhome gjumi. Kuzhina është e kompletuar me elektro-shtëpiake, ndërsa prona disponon gjithashtu parkim të jashtëm për 2–3 automjete. Një pronë ideale për ata që kërkojnë hapësirë, qetësi, privatësi dhe komoditet, duke qëndruar njëkohësisht pranë një prej qendrave më të rëndësishme tregtare dhe zonave të zhvilluara të Tiranës. Na kontaktoni për më shumë informacion ose për të organizuar një vizitë në pronë ne ++355 69 20 70 400!